Tuchel i shqetësuar: Barcelona po bisedon me Rudigerin, ne i kemi duart e lidhura

09:08 | 2 Prill 2022
Artan Maliqi

Antonio Rudiger është në vitin e fundit të kontratës me Chelsea, ndërsa për mbrojtësin ka interesim nga klubet më të mëdha evropiane.

E fundit që është futur në garë është Barcelona, gjë për të cilën trajneri gjerman Tomas Tuchel është i pakënaqur.

Kjo pasi Chelsea është në një moment të vështirë pasi nuk mund të negociojë rinovimin me futbollistët për shkak të sanksioneve të vendosura në drejtim të Roman Abramovich.

“A na shqetësojnë bisedimet e Barcelonës me Rudiger? Nëse janë të vërteta, patjetër që po. Megjithatë, unë kam besim se situata te Chelsea do të gjejë një zgjidhje dhe në këtë rast atëherë besoj se Rudiger mund të qëndrojë në Londër”.

“Kemi një shans të mirë për ta bindur të qëndrojë, megjithatë për momentin “duart tona” janë të lidhura”.

“Nuk flasim dot me të dhe nuk mund të futemi në bisedime me agjentin e lojtarit”, ka thënë Tuchel. /Telegrafi/